Gŵyl yr Afon – dathliad o’r Afon sydd wastad wedi chwarae rhan arwyddocaol yn hanes Caerfyrddin

Mae cofnodion Tuduraidd yn dangos mewnforion haearn, plwm, glo, mêl, halen, gwin, olew a sbeisys, ac allforion brethyn a gwlân. Yn yr 17eg ganrif gwelwyd mwy o fewnforion o nwyddau moethus fel sebon, piwter, finegr, siwgr, ffrwythau, sinsir, marmaled, gwelyau a nwyddau pres. Yn y 1720au cofrestrwyd 57 o longau yng Nghaerfyrddin, ac roedd ei thunelledd ar y pryd ddwywaith cymaint â Chaerdydd.

Roedd y 1840au yn anterth Caerfyrddin fel porthladd, ar gyfer llongau hwylio ac ager. Adeiladwyd llongau hyd at 330 tunnell yng Nghaerfyrddin, yng nghyffiniau Canolfan y Cei heddiw.